Зошто би ме ангажирале?
Без разлика дали се работи за работилница, состанок за стратешко планирање, тркалезна маса, или јавна дебата, групните настани ги сметам не како нешто што треба само да се изработи според предвидената агенда туку како место за остварување на искрена соработка, средина каде што секој глас се слуша и енергијата на групата се претвора во нешто посебно. Мојата улога ја гледам во водење на ефективни, јасни и концизни дискусии, осигурувајќи дека секоја сесија е продуктивна, корисна, но и забавна во исто време. Преку поттикнување креативност и негување атмосфера на меѓусебно почитување, се трудам да ги инспирирам учесниците покрај постигнување на целта, да се поврзат и на подлабоко ниво. Имам откриено дека магијата се случува кога секој се чувствува слободен да ги сподели своите идеи и согледувања и да придонесе во создавање на нова вредност.