Кој сум јас?
Добро прашање 😊
Англичанец, Швајцарец и Македонец се натпреварувале кој е повешт во стрелаштво. За таа цел нашле едно храбро момче и му ставиле јаболко на главата. Англичанецот се оддалечил 100 метри, го оптегнал лакот, ја испуштил стрелата кон метата и го погодил јаболкото на главата на момчето. „Јас сум од Англија, јас сум Робин Худ!“, рикнал како лав на цел глас. Потоа Швајцарецот решително се оддалечил на 200 метри. На главата на момчето ставил помало јаболко, ја повлекол стрелата наназад, и оооп… за дел од секундата јаболчето било преполовено. „Јас сум од Швајцарија, јас сум Вилијам Тел!“, гордо извикал. Соочен пред голем предизвик, Македонецот самоуверено го заменил јаболкото на главата на момчето со шумска јагода. Се оддалечи 500 метри. Длабоко концентриран застанал. Речиси престанал да дише. Воздухот бил полн со тензија. Меѓу присутните владеела апсолутна тишина. Го оптегнал лакот, ја повлекол стрелата наназад, и… го погодил кутрото момче точно во левото око, кое потоа паднало како покосено.
Обуки
Други услуги каде што не сум лош
МОЈАТА КНИГА
Две свеќи
Во овој искрен, помалку смешен и дефинитивно волшебен роман, таткото ја споделува со својата ќерка тајната за вoдење на радосен и исполнет живот, создавајќи прекрасна приказна околу две едноставни свеќи. Носејќи ги со себе емотивните лузни од разводот и губењето на работата, таткото и неговата бунтовна тинејџерка тргнуваат на викенд авантура во планина, исполнет со неочекувани пресврти и емотивни издигнувања и падови.
„Две свеќи“ претставува водич за живеење на исклучителен живот, кој нуди длабоко навлегување во суштината на среќата преку само еден единствен збор. Оваа волшебна приказна го открива патот до внатрешниот мир и задоволство, користејќи ја трансформативната моќ за заздравување на срцето, откривање на скриените вистини и подмладување на духот.
Искуства
Алек, колега, консултант, обучувач, пријател... е редок професионалец со кого е задоволство да се соработува и од кого може многу да се научи.
Криво ми е што до сега не сум ја прочитал неговата книга Две среќи и што немавме к'смет да испиеме пово, кога последниот пат беше во Франкфурт.
